Лараме накъостий! Хууш ма-хиллара, 2023 шо вайн Мехкан куьйгалхочо, Россин Пачхьалкхан Турпалхочо Кадыров Ахьмад-Хьаьжин Рамзана шен Указца «Нохчийн меттан шо» аьлла дIакхайкхийна ду.

        2023-чу шеран чиллин беттан 16-чу дийнахь ЦРК белхалоша дӀайаьхьира «Нохчийн дийцарш» цӀе йолу рубрика. Цу рубрикехь дакъа лецира Гуьмсе- г1алин №6 йолчу школин 10 Б классан дешархочо Улаева Муг1айсан Пет1имата. Цу рубрикехь дакъа лоцуш оха кечдира Бадуев Сулейманан Саь1идан "Олдам" ц1е йолу дийцар. И дийцар оха къасторан бахьана: хьалха вайн ширчу 1адатех лаьцна хьовсархошна довзийта лаар, шолг1а Бадуев Саь1идан кхушара б1е ткъа шеран юбилей хиларна цунна т1е алсам тидам бахийта лаар.Ира чулацам болчу оцу произведеница автаро гойту нохчийн къоман дахаран тайп-тайпана аг1онаш. Дийцаран турпалхо къоман г1иллакхаш лардеш мел йаккхий а халонаш лан кийча хилар.